Загрижени граѓани инаку љубители на природата само што ни испратија неколку фотографии на кои јасно се гледа како некој ги уништува природните убавини на Кочани. Како што пишуваат и минатиот викенд тие шетале на овој потег но ништо вакво или слично не забележале, па нивната констатација е дека сето ова е направено во текот на оваа седмица.
Симптоматично е што уништувањето на природата е на потегот кај „Мала река“, односно во околината каде беше предвидено изградба на мини хидроцентрала.
И додека некои уште бистрат политика низ општината, други на тивок и мирен начин си продолжуваат да ја уништуваат природата, зошто? Одговорот треба да го дадат надлежните служби.
Во сето ова, малку е и чудно што никој не реагирал досега а очигледно е дека се работело со механизација повеќе денови.
Како ќе реагираат на ова еколошките друштва останува да видиме во наредните денови.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
