Се одржа традиционалниот 43. Богородичен младински фудбалски турнир на фудбалското игралиште во Долни Подлог. Турнирот траеше од 14 до 28 август, каде учествуваа вкупно 12 фудбалски екипи.
По одигрувањето на големото и малото финале се добија екипите кои најмоногу покажаа. Победничкиот пехар го понесе фудбалската екипа на Облешево, додека второто место и припадна на екипата на Долни Подлог, третопласирана е екипата на Тркање. Освен што им беа врачени пехари на најдобрите три екипи тие добија и ваучери во вредност, за прво место 30.000 денари, 20.000 денари за второ и 10.000 денари за третото место.
Освен прогласените најдобри три екипи, беа прогласени и најуспешните поединци. Титулата најдобар играч му припадна на Стевче Митев од Облешево, најдобар стрелец на турнирот е Исак Томишев од Долни Подлог и најмлад играч – Михаил Кокев од Зрновци.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
