Изминатиот викенд се одиграа натпреварите од 5-тото коло во Трета Фудбалска Лига – Исток. Од четирите натпревари, два завршија со победа на домаќините а на два немаше победник.
Екипата на „Малеш“ продолжи со добрите игри и резултати. Во Берово во еден интересен и неизвесен натпревар малешевци беа поуспешни и ја совладаа мошне добрата екипа на Карбинци. Победа забележаа и „рибарите“ во Дојран кои со минимален резултат ги совладаа „рударите“ од Пробиштип.
Во Виница се играше дерби натпреварот помеѓу домаќинот „Слога 1934“ и „Овче Поле3, кој на крајот по многу возбудувања заврши мирољубиво, исто како и натпреварот во Пирава.
Резултати од 5-тото коло:
„Малеш“ – „Карбинци“ 2:1
„Дојранско езеро“ – „Рудар“ 1:0
„Слога 1934“ – „Овче Поле“ 1:1
„Ударник“ – „Вардарски“ 1:1
Слободна во ова коло беше екипата на „Тиверија“.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
