Александар Андов го доби вториот мандат за Претседател на ОФС Кочани. Денес во Хотел „Амор“ во Кочани тој ја доби поддршката од сите присутни делегати кои учествуваа на Изборното Генерално Собрание на Општинскиот Фудбалски Сојуз – Кочани.
На Собранието од поканетите 28 делегати со право на глас, присуствуваа 27. По усвојувањето на дневниот ред беа избрани телата (Верификациона комисија, Кандидациона комисија, Записничар, Бројачи на гласови) , а по усвојувањето на нивните Извештаи се прејде на Изборот за Претседател на ОФС Кочани, Избор на Управен Одбор, Избор на Надзорен Одбор, Избор на член на УО на ФФМ, и избор на Делегати и нивни заменици во Собранието на ФФМ.
Александар Андов е избран за Претседател на ОФС Кочани што за него ова е втор мандат на таа функција. Членови на УО на ОФС _ Кочани: Александар Андов, Оливер Јовановски, Владо Андов, Марјан Јангеловски, Ангелчо Гошев, Гоце Димитров и Драган Јаневски.
Надзорникот Одбор го сочинуваат: Сашко Ангелов, Митко Бојаџиев и Ристе Лазаров.
Делегати во Собранието на ФФМ: Александар Андов, Оливер Јовановски и Марјан Јангеловски а Заменици делегати: Владо Андов, Сашко Ангелов и Столе Тошев.
За член на УО во ФФМ е избран Станко Манчевски.
Легитимитетот на годинешното Изборното Генерално Собрание на Општинскиот Фудбалски сојуз – Кочани го потврдија и претставници те од ФФМ: Дрилон ганиу – Генерален секретар на ФФМ, Сашко Тасев – член на УО на ФФМ и Горан Коцевски од Правниот сектор на ФФМ.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
