На првиот ден од месец Јуни втората генерација од Гимназијата „Љупчо Сантов“ од Кочани, прослави 60 години матура.
Како што истакнаа на средбата имаше некогашни ученици од Кочани, Виница, Штип а еден од учениците дојде и од Канада.
„Иако бевме мала група целта ни беше да се собереме и да го одбележиме денот. Средбата имаше и донаторски карактер. Беа собрани средства за настраданите во пожарот во Кочани кои се уплатени во Црвен крст. Сочувствуваме со сите родители кои изгубија свое чедо а и со оние кои имаат повредено дете за чие заздравување ќе треба да поминат години. Ние сме со вас наши сограѓани а и Господ да биде со вас“ гласеше пораката од средбата која се одржа во еден од угостителските објекти во Виница.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
