Cafe De Anatolia уште еднаш ја потврди својата позиција како една од највлијателните глобални независни музички компании, со спектакуларен showcase во Букурешт, Романија, кој ги обедини артистите на брендот и донесе уникатно музичко доживување пред илјадници меѓународна публика.
Настанот во Букурешт беше уште еден доказ дека музиката на Cafe De Anatolia одамна ги надмина границите на регионалното и стана вистински интернационален звук и тренд – препознатлив, емотивен и длабоко поврзан со културите од целиот свет, како и водечки двигател на Organic House жанрот кој моментално е глобален музички тренд.
Брендот денес не претставува само музичка компанија, туку глобално движење и успешна креативна платформа која постојано се шири низ светот, со фанови од сите континенти и присуство на најголемите светски сцени и дестинации.
Cafe De Anatolia редовно организира настапи и настани на ексклузивни локации ширум светот, вклучувајќи: Санторини, Дубаи, Доха, Мускат, Малта и многу други престижни дестинации, каде што го промовира својот препознатлив бренд и музичка естетика.
Основан од семејството Илиеви – Моника Илиева, Никола Илиев и Зоран Илиев, брендот беше номиниран од Beatport во конкуренција со HUGEL, потпиша историски договор со Sony Music Publishing и стана првиот лејбл што го направил тоа во Источна Европа, како и оствари соработки со Giorgio Armani, Four Seasons, Radisson Blu и многу други, поставувајќи нови стандарди на пресекот меѓу музика, култура и глобален luxury lifestyle.
Со повеќе од 2 милијарди слушања и глобална публика која надминува 30 милиони следбеници, Cafe De Anatolia денес е еден од највлијателните независни музички брендови во електронската музика, препознаен и од медиуми како Forbes и Entrepreneur како пионер во Organic House жанрот и како еден од највлијателните музички лејбли во Источна Европа и поширокиот регион.
Следната недела, на 8 мај, Cafe De Anatolia за првпат ќе има ексклузивен настан во Скопје – дома, на домашен терен – што претставува историски момент за брендот и за локалната сцена.
Билетите и повеќе информации се достапни на:
https://mktickets.mk/en/event-en/cafe-de-anatolia-show/
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
