Во неделата продолжија натпреварите од годинешното 50. издание на Илинденските Спортски Игри „Чешново 2022“.
Се одиграа два натпревари кои донесоа мошне квалитетен и преди се ефикасен фудбал од кој најголема корист имаа гледачите.
Најпрви екипата на Жиганци со високи 6:2 го совлада Кучичино, за да потоа Академија Чешиново-Облешево го совлада Тркање со 4:0.
Добрите временски услови во кои температурите беа доста пониски од минатите години беа најголемата причина играчите да се залагаат, да гинат за секоја топка, а гледачите да уживаат во добрите акции и убавите погодоци.
Турнирот продолжува во Среда кога на програмата се натпреварите:
17:00 часот Облешево – Карбинци
19:00 часот Академија Пандев – Осогово
С. Ивановски
