Даријан Павлев, Павел Темелков, Јован Илијев и Славица Митева заедно со тренерот Зоран Сребренов заминаа на четиридневен камп во Софија (Бугарија).
На кампот кој ќе трае од 20.02 до 23.02.2024 година заедно со борачите од Кочани се и претставници од боречки клубови од Америка, Грција и домаќинот Бугарија.
Ова ќе биде убава можност борачите на „Спартак“ да бидат што подобро подготвени пред претстојните натпревари кои ги очекуваат на Државното првенство У-15 кое ќе биде филтер за учество на Европското првенство кое во месец Мај ќе се одржи во Грција, како и за Државното училишно првенство.
Организатор на кампот е некогашниот Светски првак во борење Радослав Великов член на Боречкиот клуб „Симеон Штерев-Левски“.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
