По студено време проследено со ситен дожд денес во кочани на стадионот „Никола Мантов“ се одржа 16-тото издание на традиционалниот меморијален турнир „Драганица Куп“ организиран во чест на кочанската фудбалска легенда Драган Михајлов – Драханица.
На учесниците на турнирот им се обрати Градоначалникот на Општина Кочани Љупчо Папазов кој воедно турнирот го прогласи за отворен.
На турнирот ушествуваа четири екипи: „Каменица Саса“ (Македонска каменица), „Слога 1934“ (Виница), „Детонит јуниор“ (Радовиш) и домаќинот „Осогово“ (Кочани).
Во првото полуфинале „Осогово“ ја совлада „Слога 1934“ со 3:0 (1:0) а додека во второто „Детонит јуниор“ ја декласира „Каменица Саса“ совладувајќи ја со 5:0 (3:0).
Во малото финале „Слога 1934“ – „Каменица Саса’ 3:0 (1:0), а
Во Финалето „Осогово“ – „Детонит јуниор“ 2:0 (1:0).
По завршувањето како шо е редот беа прогласени најуспешните:
- ГФК „Осогово“ (Кочани)
- ФК „Детонит јуниор“ (Радовиш)
- „Слога 1934“ (Виница)
- „Каменица Саса“ (Македонска Каменица)
Најдобар голман: Александар Стоименов (Осогово)
Најдобар играч: Филип Јованов (Осогово)
Најдобар стрелец: Костадин Василев (Детонит јуниор)
Беа доделени признанија и на судиите кои ги судеа натпреварите како и на медиумите за нивното присуство на турнирот.
С. Ивановски
