Со победа и два порази борачите на Македонија го отворија Европското Првенство кое денес започна во Загреб (Република Хрватска). На програмата беа натпреварите од 1/8 финалето.
Победата ја донесе Ахмад Магомедов во категоријата до 79 килограми. Нашиот репрезентативец беше доста супериорен и со 8:0 го совлада својот противник Станислав Новак од Молдавија. Следен противник на Магомедов во 1/4 финалето ќе биде грчкиот репрезентативец Георгиус Коугимцидис.
Добиен натпревар загуби Фати Вејсели. Тој во категоријата до 70 килограми иако имаше предност над својот противник Патрик Оленцзин од Полска од високи 9:2 сепак натпреварот го загуби со резултат 9:11.
Пораз забележа и Могамедгаџи Нуров во категоријата до 97 килограми. Нашиот репрезентативец загуби од Полјакот Збингниев Барновски 2:5.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
