Во организација на Боречката Федерација на Македонија а со Техничка организација на БК „Бучим“ од Радовиш, денес во Спортската сала „25-ти мај“ во Радовиш се одржа „Државното првенство во борење слободен стил и борење за девојчиња У-20“.
Б.К. „Спартак“ на првенството партиципираше со тројца борачи кои освоија 1 трето место и 2 петти места.
Бронзениот медал го освои Драган Глигоров во категоријата до 57 килограми, додека Филип Јакимов во категоријата до 65 килограми и Бојан Гигов во категоријата до 79 килограми завршија како петти.
Борачите ги водеше тренерот Иван Јанев, додека Игор Христов и Гоце Ангелов ја делеа правдата на душекот.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
