Голем гест на хуманост и почитување испрати екипата на ЖФК „Башкими 2024“ од Куманово кога по денешниот натпревар комплетно заминаа и пред „дискотеката на смртта“ „Пулс“ во Кочани положија цвеќе за сите загубени 59 животи.
Инаку „Башкими 2024“ денес во рамките на Кадетската лига за девојчиња и гостуваше на екипата на „Кочани“ кој натпревар беше одигран на фудбалскиот терен во Горни Подлог.
Гестот на комплетната екипа и на комплетниот Стручен штаб на ЖФК „Башкими 2024“ предводена од Претседателот Армент Дестани е за поздравување а со овој гест тие испрати јасна порака дека „Нема добри и лоши народи, туку има само добри и лоши луѓе“.
Гест за поздравување и за градење на мостови на соживот.
Голема благодарност до Претседателот на ЖФК „Башкими 2024“ Армент Дестани за фотографиите.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
