На 21 ноември (вторник) 2023 г. во 13 и 30 часот во Мултикултурниот центар, ќе се реализира музичко-фолклорен настан насловен „Детска патувачка фолк библиотека“, со промоција на две фолк-сликовници. Настанот е во организација на ЈОУ Библиотека „Искра“, во соработка со ООМУ „Ристо Јуруков“ и ФОЛКОНИКА- Центар за зачувување на македонската фолк музика, фолклорно творештво, едукација и иновации за деца.
На интерактивниот настан со музички изведби, се со цел претставување на македонското фолклорно наследство на младите генерации, ќе учествуваат ученици од основните училишта од Кочани и основното училиште од Оризари. Целта на ваквиот интерактивен настан, каде што младите ќе земаат учество е да ги научиме младите генерации да го негуваат и да го зачуваат македонското музичко-фолклорно културно наследство.
ЈОУБ „Искра“ – Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
