Во салата на Мултикултурниот центар, Основното музичко училиште „Ристо Јуруков“ со концерт го одбележа својот патронен празник – 68-годишнината од постоењето и 97. роденден на иницијаторот за основањето, професорот Јуруков. Пред многубројната публика настапија ученици од класите на сите професори.
Според директорката Марија Лазарова, ова е завршница на успешна учебна година и завршница на уште една амбициозна и вредна генерација ученици.
На настанот, со одлука на Наставничкиот совет, Јана Филипова, ученичка во класата на проф. Елизабета Георгиева е прогласена за ученичка на генерацијата во деветгодишното музичко образование. Александра Ѓоргиева од класата на проф. Јованка Милојевиќ е прогласена за ученичка на генерацијата во шестгодишното образование. Пофалница за постигнати значајни резултати во текот на школувањето добија Миа Михаилов и Јован Божинов.
Во рамките на одбележувањето на патрониот празник, ОМУ го одржа и концертот „Родители и деца“.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
