Во 14:20 часот во Противпожарната единица во Кочани пристигната е дојава дека во кругот на Општа болница со проширена дејност – Кочани се запалило патничко моторно возило „Опел Зафира“ со словенечки регистарски таблички.
Интервенирано е со едно возило и тројца пожарникари кои поради сообраќајниот хаос во градот под тешки услови пристигнале на местото на настанот.
Пожарот е изгасната а внатрешноста и каросеријата на возилото претрпело сериозни оштетувања. Возачот поминал без повреди бидејќи навреме излегол од возилото.
На место на настанот излезена е увидна екипа од Полициска станица која ги испитува причините поради кои настанал пожарот.
Од ТППЕ – Кочани апелираат до учесниците во сообраќајот во иднина кога ќе ги слушнат сирените да остават возилото да помине за да се спречат штети од поголеми размери.
С. Ивановски
