Од големиот меѓународен турнир во борење што се одржа во Пловдив (Бугарија) борачите на „Спартак“ – Кочани се враќаат со еден сребрен медал кој во мошне силната конкуренција и не е за потценување.
На турнирот во Пловдив БК „Спартак“ – Кочани настапи со тројца натпреварувачи – Давид Златков, Максим Арсов и Никола Пешев кои во една мне силна конкуренција со учество од над 320 борачи од Грција, Бугарија, Молдавија, Турција и Македонија, достојно го претставија и клубот и државата.
Сепак најсветла точка од претставниците на Кочани беше настапот на Никола Пешев, кој со одлични борби преку целиот турнир и со огромна желба за победа на крајот го освои сребрениот медал.
„Горди сме на сите наши натпреварувачи за покажаното срце, дисциплина и спортски дух. Ова е уште една потврда дека трудот, посветеноста и упорноста носат резултати. Честитки за Давид, Максим и Никола, како и за тренерите и сите што се дел од успехот на Спартак“ порачаа од БК „Спартак“ – Кочани.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
