Во текот на вчерашниот ден (Петок) во Радовиш, Здружението на борачи ветерани на Македонија одржа состанок на кој беше верификуван мандатот на претседателот избран на Собранието на Здружението Трајче Димков, а беа избрани и Потпретседател Ердиќ Ризаов, секретар Славчо Тодоров и Управен Одбор од единаесет членови.
Токму одржаниот состанок беше повод за закажување на заедничко дружење на кое Претседателот Трајче Димков врачи 43 признанија на: некогашни борачи, тренери, судии, спортски работници и новинари.
Убава вечер да се биде на едно место со Шабан Трстена, Влатко Соколов, Зоран Шоров, Дејан Богданов, борачи од шампионската екипа на БК „Бучим“ од Радовиш, како и со Ванчо Чифлиганец, Градоначалникот на Општина Радовиш, дел од плејадата на успешни судии како и новинари (Киро Манев, Венцо Донев, Решат Ибраими, Славчо Ивановски и Горан Милковски) кои со своето нотирање имаат придонес и афирмација на борењето.
По доделувањето на признанијата за сите гости беше организирана културно забавна програма.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
