Во Сабота и Недела се играат натпреварите од 20-тото коло во Трета Фудбалска Лига – Исток.
„Осогово“ кое на три кола до крајот на првенството го обезбеди првото место во Сабота гостува во Делчево. Кочанчани ги зафати „жолтица“ и „црвенило“ па Шефот на стручниот штаб Ефтим Аксентиев десеткуваниот состав ќе мора да го потполнува со играчи од младинскиот погон.
Во Сабота се игра и натпреварот во Пробиштип каде екипата на „Рудар“ која не отпатува минатото коло во Богданци ја пречекува екипата на „Тиверија“.
Преостанатите три натпревари се играат во Недела.
Во Карбинци гостуваат Богданчани а во Градско Балдовце „рибарите“ од Дојран.
Во Чешиново гостува екипата на „Малеш“.
Сите натпревари започнуваат во 17:00 часот.
Двојки за 20-тото коло:
„Брегалница – сениори“ – „Осогово“
„Рудар“ – „Тиверија“
„Карбинци“ – „Вардарски“
„Спартмани“ – „Дојранско Езеро“
„Академија Чешиново-Облешево“ – „Малеш.
Во ова коло слободна е екипата на „Овче Поле“.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
