Заврши асфалтирањето на 436 м од улицата „Стамен Манов“, на потегот од Зијата до Фабриката за вода – локална акција што Општина Кочани ја реализира според договорот со Институтот за истражување и анализа на политики „Ромалитико“. Со рехабилитацијата, овој дел од сообраќајницата сега е со ширина од 5 до 7 м.
Рехабилитацијата и реконструкцијата на „Стамен Манов“ чини близу 5 милиони денари. „Ромалитико“, со проектот „Заедно за просперитетна заедница“ поддржан од УСАИД, обезбеди 40 % од износот, Министерството за транспорт и врски, преку Декадата на Ромите – 1.174.000 денари, а остатокот се средства од Општина Кочани.
Со цел да обезбеди подобра заштита од неконтролирано исфрлање отпад, на коловозот на „Стамен Манов“ кон Фабриката за вода, Општина Кочани ќе постави банкини.
Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
