За време на викендот се одиграа три од закажаните четири натпревари со што и официјално започна новата фудбалска сезона во втора Фудбалска Лига за жени.
„Кочани“ во првото коло гостуваше во Охрид и против екипата на „Билјанини извори“ забележа победа од 5:1 (3J. Кочанчанки се засилија во летниот преоден рок и јавно ја истакнаа кандидатурата за највисок пласман. Кочанчанки поведоа во 17’ со авто гол на еден домашен играч а потоа на сцена стапи едно од летните засилувања Ангела Стојковска која во 31’ и 32’ минута стрелаше во домашната мрежа. Со водство од 3:0 се замина на одмор. Во второто полувреме и другото летно засилување Афродита Салихи покажа дека не заборавила да постигнува голови, во 60’ и 62’ беше прецизна за сигурно водство на „жетварките“ од 5:0. Домаќинките почесниот погодок го постигнаа во 70’ преку Јулчовска.
Резултати од 01. коло:
Билјанини извори – Кочани 1:5
Вардар – Плачковица 2:2
Слободен – Порече 0:5
Победа Валандово – Боре (се игра во Среда)
Во следното коло „Кочани“ му гостува на „Порече“
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
