Со четирите одиграни натпревари стартуваше пролетниот дел од првенството во Трета Фудбалска Лига – Исток. Се одигра 10-тото коло во кое се постигнати 20 погодоци или по 5 на секој натпревар.
Екипата на „Слога 1934“ како и што се очекуваше доста фуриозно го започна пролетниот дел од првенството. Виничани во една фуриозна но преди се и ефикасна игра го совладаа „Дојранско Езеро“ со 5:0.
Во Свети Николе гледачите видоа исто така добра фудбалска претстава зачинета со 6 погодоци. „Овче Поле“ го победи „Карбинци“ со 4:2.
Со новите три бода за „Овче Поле“ и „Слога 1934“ а по киксот на „Вардарски“ на домашен терен против екипата на „Тиверија“ 2:2, разликата сега изнесува само еден бод, односно седум бода, што според познавачите на фудбалските прилики на истокот е достижна разлика за двете екипи,
Во Пирава домашната екипа „Ударник“ беше за класа подобар противник од „Малеѓ“ и сосема заслужено извојува победа од 4:1.
Резултати од 10-тото коло:
„Овче Поле“ – „Карбинци“ 4:2
„„Вардарски“ – „Тиверија“ 2:2
„Ударник“ – „Малеш“ 4:1
„Слога 1934“ – „Дојранско Езеро“ 5:0
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
