Се одиграа натпреварите од 15-тото коло во Трета Фудбалска Лига – Исток.
Натпреварот во Зрновци помеѓу Светлост и Хоризонт Турново не го дочека крајот. Во 76 минута при резултат 2:2 еден гостински играч незадоволен од една одлука на помошниот судија дојде до него, оствари личен контакт по што го напушти натпреварот, а главниот судија истиот го прекина. Дисциплинската комисија е на потег, но со оглед на сите извештаи по се изгледа нема да имаат дисциплините тешка задача, бидејќи како што дознаваме се е забележано.
Но на останатите четири натпревари се играше фудбал.
Лидерот на табелата „Слога 1934“ и во ова коло беше немилосрдна кон својот противник, виничани едноставно го торпедираа голманот на „Ударник“ и ја забележаа втората висока победа во ова првенство.
„Брегалница“ во Делчево забележа нова победа и се ислачи на второто место на табелата. На преостанатите две средби, во Струмица и Берово немаше победник.
Резултати од 15-тото коло:
Слога 1934 – Ударник 13:0
Светлост – Хоризонт Турново – прекината при резултат 2:2
Брегалница – Дојранско езеро 1:0
Тиверија – Карбинци 2:2
Малеш – Овче Поле 0:0
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
