Претседателот на Република Северна Македонија Стево Пендаровски во неговиот кабинет на Водно ги прими а воедно и ги додели признанијата на носителите „Успешни млади за 2021 година“.
Признанијата им беа доделени на:
– д-р Виктор Стојкоски, најдобар млад научник во општествени науки
– м-р Иван Антоновски, најдобар млад научник во хуманистичките науки
– д-р Андреј Ристески, најдобар млад научник во природно-математички и технички науки
– д-р Гордана Георгиева, најдобра млада научничка во медицински науки
– Македон Димитровски и Алексиј Тасиќ се носители на признанието во категоријата „Млад талент“
– Нина Костовска, признание за постигнат особен успех и за афирмација на инклузијата
– Наталија Теодосиева, најдобра млада уметничка.
Честитајки им на постигнатите резултати, Претседателот Пендаровски потенцираше дека нивниот успех воедно е и успех на Република Северна Македонија.
