На вториот Меѓународен турнир „Куп Неврокоп“ што денес се одржа во Гоце Делчев (Бугарија) борачите на „Спартак“ освоија две медали, од кои еден златен и еден бронзен.
На турнирот годинава се појавија околу 300 борачи од Украина, Молдавија, Латвија, Грција, Белгија, Турција, Романија, Македонија (три клуба) и повеќе клубови од домаќинот Бугарија.
Боречкиот клуб „Спартак“ од Кочани учествуваше со шест борачи.
Златниот медал го освои Даријан Павлев, категорија до 62 килограми генерација 2009 – 2010 година, а додека бронзениот и припадна на Славица Митева во категоријата до 46 килограми, генерација 2009-2011 година.
Павел Темелков во категоријата до 68 килограми, генерација 2009-2010 оствари една победа и еден пораз, а на турнирот настапија и Стојана Митева, Лазар Ангелов и Иле Иванов кои овој пат не забележаа ниту една победа.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
