Во организација на ЈОУ Библиотека „Искра“ – Кочани а во соработка со ЛУ Библиотека“ „Гоце Делчев“ – Велес и ЛУ „Народен музеј“ – Велес, утре (21 Март) во просториите на Библиотека „Искра“ ќе биде одбележан Светскиот ден на поезијата под наслов „Уметноста на стихот – спонтано прелевање на моќни чувства“.
Настанот ќе биде посветен на Коста Солев Рацин, 115 години од неговото раѓање и 80 години од неговата смрт.
Во склоп на чествувањето за Рацин ќе биде отворена и Изложба на ликовни дела од литературно-ликовната работилница, „Инспирација – Бели Мугри“, инспирирана и посветена на стихозбирката „Бели Мугри“.
Настанот е закажан за во 12:00 часот.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
