Во салата за состаноци на Локалната самоуправа во Кочани точно на пладне четворица од шесте кандидати за градоначалник на Општина Кочани за „Локалните избори 2025“, Зоран Тодоров – Група избирачи, Венко Крстевски – Група избирачи, Владко Грозданов (Коалиција ВМРО ДПМНЕ) и Игор Христов (Коалиција СДСМ) го потпишаа Кодексот за фер и демократски избори.
Од оправдани причини на потпишувањето не присуствуваа Жаклина Филипова Свекаровска – Партија левица и Даниел Глигоров – Партија Единствена Македонија.
Четворицата потписници со потпишувањето на Кодексот за фер и демократски избори се обврзаа дека за време на кампањата ќе ги почитуваат сите законски прописи предвидени во Кодексот кој пред потпишувањето им го прочита Претседателот на Општинската Изборна Комисија Билјана Димовска Гичева.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ А НИВНИТЕ АВТОРИ БЛОКИРАНИ
