Министерството за внатрешни работи ги информира граѓаните и сите корисници на воздухоплови без екипаж (дронови) дека од страна на Агенцијата за цивилно воздухопловство е поставена забрана за вршење на какви било операции со воздухоплови без екипаж (дронови) на територијата на следните населени места:
- Кочани, вклучувајќи ги с. Оризари, с. Тркање и с. Зрновци,
- Штип со околните места,
- Општина Чешиново-Облешево, вклучувајќи ги с. Соколарци и с. Чифлик,
- Струмица со околните места,
- Пробиштип со околните места,
- Македонска Каменица со околните места,
- Виница, вклучувајќи го с. Липец,
- Скопје – гробишта о. Бутел, гробишта о. Ѓорче Петров, гробишта с. Горно Лисиче и гробишта с. Горно Нерези.
Неовластеното, некоординирано оперирање на овие воздухоплови не само што го загрозува воздушниот сообраќај туку може да предизвика сериозни последици по животот и имотот на трети лица на земја.
Оперирањето со воздухоплови без екипаж во забранети зони е основ за поведување постапка за санкционирање согласно Законот за воздухопловство.
На 20 март 2025 година, во 12 ч., на Градските гробишта во Кочани ќе бидат погребани покојните од трагичниот настан во дискотеката „Пулс“. На приложената фотографијата е означена трасата на движење на возилата што ќе ги донесат телата на загинатите во Кочани.
Се молат граѓаните во мирна атмосфера и достоинствено да им оддадат последна почит!
Објава на Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
