Со свечена програма, синоќа ООУ „Свети Кирил и Методиј“ го одбележа патрониот празник.
На многубројната публика ѝ се обрати в. д. директорката Христина Симова Јовановска, а во словото посветено на сесловенските браќа, беше истакнато нивното огромно значење за македонската писменост и култура.
Присутните ги поздравија настапите на учениците во училишниот хор, драматизацијата и музичко-ритмичките точки.
На свеченоста по повод патрониот празник беше прогласена првенката на генерацијата Јована Карова, а пофалена беше ученичката Тамара Атанасова.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
