Во салата за состаноци во Хотел „Изгрев“ во Штип се одржа редовното Годишно Собрание на Боречката Федерација на Македонија.
На Собранието присуствуваа делегати од 16 активни клубови, членови на Управниот одбор а како посебен гостин присуствуваше и великанот на Македонското борење Шабан Трстена.
Се дебатираше по десет точки од дневникот ред а по изборот на работни тела беше усвоен Извештајот за работа во изминатиот период Освен разрешувањето и именувањето на нови членови во Управниот Одбор беше извршена и промена на името во БФРСМ.
Сепак, најмногу се дебатираше за состојбата кога беше преземено раководењето со Федерација и во каква состојба е сега.
Сите точки од предложениот дневен ред едногласно беа прифатени.
С. Ивановски
