Во Сабота со почеток во 16:00 часот се играат натпреварите од 26-тото коло во Втора Фудбалска Лига.
„Осогово“ е пред можеби најголемиот испит во оваа сезона. Кочанчани ја пречекуваат последнопласираната екипа на „Караорман“ каде ги очекуваат спасоносните бодови. Само со победа „жолто-сините“ остануваат во трката за зачувување на второлигашкиот статус, се освен трите бода за кочанчани ќе значи потоп.
Сепак љубителите на фудбалот во Кочани се надеваат дека „жетварите“ конечно ќе заиграат и дека ќе дојдат до победата која реално живот им значи и дека ќе ги зголемат колку-толку шансите и следната година да се натпреваруваа во второто по ранг фудбалско натпреварување.
Двојки за 26-тото коло:
„Осогово“ – „Караорман“
„Охрид“ – „Каменица Саса“
„Новаци“ – „Детонит Плачковица“
„Беласица“ – „Кожуф“
„Победа“ – „Вардар“ (Н)
„Башкими“ – „Скопје“
„Тетекс“ – „Аресими“
„Беса“ – „Пелистер“
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
