Со положување на свежо цвеќе пред споменикот на Никола Карев во „Паркот на Револуцијата“ во Кочани денес започна чествувањето на патронот на ОУ „Никола Карев“ – Кочани.
Делегации од Локалната самоуправа, од училиштето „Никола Карев“, од Сојузот на борци од НОВ, од ВМРО ДПМЕ како и од ветераните од ОК ВМРО ДПМНЕ – Кочани положија свежо цвеќе од каде сите заминаа во дворот на училиштето за да на свечен начин биде откриена бистата на Претседателот на Крушевската Република, воедно и патронот на училиштето „Никола Карев“.
По интонирањето на химната на Република Македонија од страна на училишниот хор и по поздравното обраќање честа бистата да биде откриена ја имаа Љупчо Папазов – Градоначалник на Општина Кочани и Александар Андов – Директор на ОУ „Никола Карев“ – Кочани.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
