Скромно и достоинствено, учениците и наставничкиот кадар од ОУ „Св. Кирил и Методиј“ и неколку општински делегации со положување на цвеќе на бистата во дворот на училиштето го одбележаа патрониот празник на училиштето а воедно и Денот на сесловенските просветители, браќата Кирил и Методиј.
Делегации од Општина Кочани, од ОУ „Св.Кирил и Методиј“, Сојузот на борците од НОВ, ОО на СДСМ – Кочани, ЗГ „Јосип Броз Тито“ и ученици од училиштето положија свежо цвеќе и им се поклонија на сесловенските просветители.
Чествувањето ќе продолжи во вечерните часови кога во холот на училиштето ќе се одржи свечена академија.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
