Во организација на Боречкиот Клуб „Велес“ денес во градот на Рацин се одржа меморијален турнир во борење „Коцев Љубомир – Листон“ 2023.
На турнирот кој се одржа во спортската сала „Гемиџии“ зедоа учество борачи од сите клубови во Македонија со настап 2009/2010, 2010/2011 и 2012/2014.
Боречкиот Клуб „Спартак“ од Кочани настапи со шест борачи кои освоија пет медали од кои 2 златни, 2 сребрени и еден бронзен.
Златни медали:
Даријан Павлев, категорија 60 килограми
Павел Темелков, категорија 70 килограми
Сребрени медали:
Христијан Илиев, категорија 41 килограми
Јован Илиев, категорија 44 килограми
Бронзен медал:
Доне Василев, категорија 41 килограм
Забележителен настап имаше и шестиот член на „Спартак“, Мартин Цветков. Иако поради јака настинка се чувствуваше изнемоштено и неговиот настап беше доведен во прашање сепак настапи и во категоријата до 48 килограми заврши како петти.
Во очекување на други турнири борачите продолжуваат со несмален интензитет да ги одработуваат тренинзите.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
