Во просториите на КЈП „Водовод“ – Кочани беше потпишан Меморандум за соработка помеѓу компанијата „Еко Проект Ко“ од Кочани и КЈП Водовод – Кочани насловен како „Со граѓаните, за граѓаните”.
Целта на овој проект е да се рабуди совеста кај секој поединец и сите заедно да селектираме отпад од хартија и пластика за да не ја загадуваме животната средина, туку да придонесеме за чисто и убаво Кочани.
Со овој проект изговорот од типот дека тој и тој е виновен веќе завршува, сега одговорноста за чистота и селектирање е во рацете на населението.
За да се во целост реализира овој проект 570. садови за селекција на отпадот се поставуваат на јавни површини и по приватни домови, а како што истакнаа од компанијата „Еко Проект Ко“ со ова сите ќе покажеме дека навистина сакаме урбано и чисто Кочани.
С. Ивановски
