Вечерва во преполната сала на „Мултикултурниот центар“ во Кочани пред присутните беше претставена книгата „Мантов мечтаеше за фудбалот“чии автори се Ацо Стојановски и Љубинка Ајтовска.
Модераторот на книгата Магдалена Кочовска Салтирова пред присутните зборуваше за животот и делото на Никола Мантов кој на 21 година го напушти овој свет кога во последниот натпревар од Првата Македонска Фудбалска Лига од фудбалската сезона 1972/1973 година на натпреварот против „ФАС 11 Октомври“ од Скопје падна на теренот.
Рецензент на книгата е Валентин Бобришев а свое видување на книгата како и општо за 100 години фудбал во Кочани зборуваше и Градоначалникот на општина Кочани Љупчо Папазов.
Книгата е печатена во тираж од 300 примероци а голем број од примероците беа доделени на присутните во салата.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
