Како дел од активностите на ОУ „Крсте Петков Мисирков“ во Оризари за зајакнување на соработката помеѓу родители, ученици и наставници, учениците и наставниците од 4 то одд. реализираа работилница со родителите под наслов „Готвиме заедно“.
На работилницата родителите и учениците зготвија вкусни солени и слатки специјалитети и ги покажаа своите вештини во кулинарството.
На крајот од работилницата сите ученици и родители имаа можност и да вкусат од преубавите јадења кои ги зготвија заедно.
Востановениот триаголник на релација наставник – ученик – родител е од суштинско значење за успехот како на ученикот, така и на училиштето.
Инволвирањето на родители во воспитно – образовниот процес неминовно ќе доведе до зголемена меѓусебна помош во постигнувањето на повисоки образовни резултати, квалитетно решавање на тековните и заедничките проблеми, размена на искуства и идеи и подобрување на условите за работа во училиштето.
Освен оваа работилница, вакви и слични активности организираа и другите наставници од одделенска настава преку што значително се работи на зајакнување на соработката на релација наставник – родител – ученик.
Инаку деновиве започна и новогодишното украсување на училиштето, а наставниците и учениците пред завршетокот на првото полугодие подготвуваат новогодишни активности изненадувања и новогодишен базар кој што ќе се одржи пред почетокот на празниците.
ОУ „Крсте Петков Мисирков“
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
