Во организација на „Ротари Клуб Кочани-Виница“ а со поддршка на Општина Кочани, УСАИД, Фондацијата за локален развој – Штип како и други спонзори денес низ улиците на Кочани се одржа „Rotary run“ трката на која учествуваа повеќе од 270 натпреварувачи.
Се трчаше на 5 и 10 километри во машка и женска конкуренција и како новина на 2,5 километри во фамилијарна конкуренција.
Стартот на трката беше на улицата „Кеј на Револуцијата“ кај „Паркот на Револуцијата“ а се трчаше по Булевар „Теодосија Паунов“ па потоа низ улиците „Никола Карев“ и „Маршал Тито“ па повторно по „Кеј на Револуцијата“ до целта.
Освен натпреварувачи од Општина Кочани имаше натпреварувачи од речиси цела Македонија а секако дека вниманието на големиот број гледачи кои беа во должина на патеката го привлекуваа познати имиња од кои и учесници и на олимпијади.
Иако на крајот сите беа победници сепак признанија и награди во паричен износ беа доделени на тројца првопласирани во конкуренциите на 5 и 10 километри во машка и женска конкуренција.
10 км – жени:
Прво место – Тамара Јолеска Попов
Второ место – Маја Рајина
Трето место – Јулијана Смилеска
10 км. – мажи:
Прво место – Дарио Ивановски
Второ место – Мартин Трајановски
Трето место – Миле Бачевски
5 км. – жени:
Прво место – Анастасија Христова
Второ место – Марија Пеликон
Трето место – Ана Пендовска
5 км. мажи:
Прво место – Григоријан Никовски
Второ место – Ристо Чалков
Трето место Столе Ангеловски
2,5 км – Фамилијарна конкуренција:
Панче Саздов и Николчо Костадинов
Организацијата од страна на Ротари Клуб „Кочани-Виница“ беспрекорна.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
