На 37-та Седница на Совет на општина Кочани, советникот од редовите на ВМРО ДПМНЕ и коалицијата Гоце Марков поднесе Предлог препорака до Градоначалник и Советот на Општина Кочани за донесување одлука за интонирање на националната химна во сите основни и средни училишта на територијата на општина Кочани секој Понеделник пред започнување на наставата. Предлогот беше надополнет од советникот Венко Крстевски од независната листа за интонирање на химната и пред почетокот на секоја седница на Советот на Општина Кочани.
И двата предлога беа прифатени и со 15 гласа ЗА, истите беа усвоени од страна на советниците на Општина Кочани.
Според предлагачите бенефит од овие предлози е создавање на позитивни навики и љубов кон државните симболи а со тоа и почит кон државата во која живееме.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
