Со одигрувањето на натпреварите од 11-тото коло, се спушти завесата на есенскиот дел од сезоната 2022/2023 во Трета Фудбалска Лига – Исток.
Со нерешениот резултат во Струмица „Осогово“ со шест бодови предност ќе го чека стартот на пролетната сезона. Кочанчани денес на гостувањето кај секогаш добрата и инспирирана екипа на „Тиверија“ одигра без голови а по поразот на „Овче Поле“ во Дојран, „жетварите“ на главните конкуренти им избегаа по шест бодови.
Брегалница од Делчево и трет натпревар едноподруго загуби што е чудно за еден таков состав кој во Кочани одигра содржаен и квалитетен натпревар. „Рударите“ од Пробиштип се загубија во коријата на Малешевијата а „Спартмани“ со тешки маки ги совлада „академците“.
Резултати од 11-тото коло:
„Тиверија“ – „Осогово“ 0:0
„Вардарски“ – „Брегалница“ (Д) 1:0
„Победа“ (В) – „Карбинци“ 1:1
„Малеш“ – „Рудар“5:1
„Дојранско Езеро“ – „Овче Поле“ 4:2
„Спартмани“ – „Академија Чешиново-Облешево“ 2:1
С. Ивановски
