Недела, 15:00 часот, термин за кога се закажани натпреварите од 17-тото коло во Трета Фудбалска Лига – Исток.
Во Кочани се игра дерби натпреварот помеѓу двете првопласирани екипи. Кочанчани се со предност од 5 бодови и со евентуална победа над незгодната екипа на „Овче Поле“ и натпревар повеќе ја имаат првата меч топка за освојување на првото место.
Во Берово пак на програмата е регионалното дерби кое секогаш носело неизвесности бидејќи екипата од Делчево знаела токму кога е најпотребно да одигра и да им го разочара денот на навивачите на „Малеш“.
Академците патуваат во Богданци, додека во Струмица се игра локалното дерби. Забревтаното Карбинци ги пречекува „рударите“ од Пробиштип.
Двојки од 17-тото коло:
„Осогово“ – „Овче Поле“
„Малеш“ – „Брегалница сениори“
„Вардарски“ – „Академија Чешиново-Облешево“
„Тиверија“ – „Спартмани“
„Карбинци“ – „Рудар“
Слободна е екипата на „Дојранско езеро“
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
