Почитувани сограѓани,
Велигден е празник на надежта, светлината и обновата. Во овие денови кога го славиме воскресението како симбол на победата на животот над смртта, нашите мисли се особено со сите што поминуваат низ болка, тага и неизвесност.
Оваа година празничните ѕвона одекнуваат со длабока почит кон изгубените животи, со солидарност кон повредените и нивните семејства и со огромно сочувство кон родителите што ја живеат најголемата загуба. Нивните маки и маките на оние што се лекуваат нѐ потсетуваат на Исусовите страданија…
Велигденската светлина нека ни даде сила да останеме обединети, да продолжиме да си помагаме едни на други и да не ги заборавиме оние на кои најмногу им треба поддршка.
Во име на Општина Кочани и во мое лично име на сите сограѓани им посакувам мир, здравје и духовна крепост.
Христос воскресе!
Венко Крстевски,
в. д. градоначалник на Општина Кочани
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
