Утре (Недела) во Спортската сала при ОУ „Крсте Петков Мисирков“ во населбата Оризари започнува традиционалниот 6. Детски Фудбалски турнир во сала „Св. Атанасиј Велики“.
На турнирот ќе учествуваат екипите на ГФК „Осогово“ (Кочани), ФК „Фудбал Старс“ (Кочани), ГФК „Неготино“ (Неготино) и домаќинот воедно и организаторот на турнирот „Фудбалска Академија Младост Тошев“ (Оризари).
Турнирот на кој ќе учествуваа играчи од генерациите 2010 и 2014 година ќе започне во 10:00 часот а ќе заврши некаде околу 15:00 часот по што ќе следува доделувањето на наградите за најуспешните.
Организаторот на турнирот ги поканува сите заинтересирани да дојдат и да уживаат во фудбалските мајстории на играчите кои доаѓаат.
С. Ивановски
