Од 22-27 Мај годинава Кочани ќе биде домаќин на 60. издание на ДАФ (Драмски Аматерски Фестивал). За 60-тото издание беа пријавени 16 театарски претстави како од Македонија, така и од Србија, Хрватска и Турција а годинешниот селектор на фестивалот Игор Џамбазов ги одбра десетте кои ќе бидат во натпреварувачкиот дел и две во ревијалниот.
Во натпреварувачкиот дел ќе се најдат претставите:
– „Ноќ во музејот“ („Иван Мазов Климе“ – Кавадарци)
– „Тунел“ (Театарска група „ГОДО –Тунел“ – Кочани)
– „Драги уметници“ (Театар „Чекори“ – Скопје)
– „Умрежени“ (КУД „Бранко Радичевиќ“ – Вуковар – Хрватска)
– „Тенџеросаурус“ („Тинтири минтери“ – Скопје)
– „Чудата во Алиса“ (Театар „Пи) – Скопје)
– „Сомнително лице“ („Хранислав Драгутиновиќ“ – Пеокупље – Србија)
– „Црвенкапа“ („Летачка театарска трупа“ – Тетово)
– „Просидба и медвед“ – („Студентски културен центар – Ниш – Србија)
– „Знаци покрај патот“ (Бранислав Нушиќ – Шид – Србија)
Претстави што ќе бидат вон конкуренција:
– „Дневникот на лудиот“ (Турција)
– „Синиот портокал“ („Јордан Хаџи Константинов – Џинот“ – Велес)
По завршување на фестивалот и годинава ќе бидат доделени награди за најдобра главна машка и женаска улога, најдобра епизодна машка и женска улога, најдобра режија, најдобра претстава за истражување нови сценски изразни средства и експеримент во аматерскиот театар како специјалната награда „Васил Ќортошев“ која ќе биде доделена за најдобрата претстава.
Фестивалот е подржан од Министерството за култура на Македонија, од Општина Кочани како и од безнис секторот од општината и пошироко.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
