И десет фирми да има општината како КЈП „Водовод“ – Кочани, и секој викенд еколошки друштва да ги чистат дивите депонии несовесноста кај поединци повторно ќе победи.
Деновиве пишувавме за расчистување на диви депонии во општината, но луѓето без совест и морал преку ноќ нови создаваат.
Оваа дива депонија е кај платото до железничката станица каде имаше предлог да се прави паркинг простор.
Таа не е од одамна, таа е за краток период создадена бидејќи овде е пазарот, трговските дуќани а богами и жители од околните семејни куќи.
Кој и како ја создал најмалку е битно, но факт е дека додека едни ги расчистуваат депониите, други преку ноќ нови создаваат.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
