Нашиот сограѓанин Лазар Захариев уште еднаш ја потврди својата висока класа и докажа дека е најсилниот bencher на Балканот и во Европа.
Захариев денес во Мадрид (Шпанија) на најголемиот спортски Европски фестивал „„ARNOLD KLASIK EUROPA“ го освои првото место во Мастер ,категорија до 125 килограми откако подигна 205 килограми.
Годинава на натпреварувањето во Мадрид учествуваа околу 6.000 натпреварувачи од 40 држави кои се натпреваруваа во 24 дисциплини.
„Горд сум што еве и во Мадрид ја докажав својата доминација во оваа дисциплина. Да се биде прв во една голема конкуренција ме прави и како човек и како спортист многу среќен. Благодарност до моето семејство кое заедно со мене со мислите ги поминува сите часови за време на тренинзите и натпреварите. Од ова место упатувам голема благодарност и до Општина Кочани која несебично ми помогна да учествувам на ова натпреварување“ ни рече Лазар Захариев во телефонскиот разговор.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
