За денес (Понеделник) се закажани две промоции на книги. Промоциите ќе бидат на две локации; едната во ЈОУ Библиотека „Искра“ и другата во „Фоаје 2“ при НУ ЦК „Бели Мугри“ во Кочани.
Во 17:00 часот во просториите на ЈОУ Библиотека „Искра“ е закажана промоција на книгата – „Проект на Андреј Стојанов, по зоологија и анатомија“. Промотор на книгата е Тоше Крстев а Модератор, Тања Велкова.
Во 18:00 часот во „Фоаје 2“ при НУ ЦК „Бели Мугри“ е закажана промоција на книгата „Ако се родат некакви чувства“ чиј автор е Блаже Миневски, инаку добитник на престижната македонска книжевна награда„Рациново признание“ за 2022 година.
Промотор на книгата е проф. д-р Весна Мојсова – Чепишевска, а музички гостин е Македонската музичка легенда Драган Мијалковски.
Убав ден за љубителите на убаво напишаниот збор.
С. Ивановски
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
