Традицијата продолжува, 49. Детски поетски фестивал ,,Мајски цвет” на кој учесниците твореа на тема ,,Мојот роден крај”.
На фестивалот учествуваа 22 учесници во категорија од 6-9 одд. од Кочани, Општина Зрновци, Општина Чешиново-Облешево, Виница, Куманово, Св. Николе и Пробиштип.
Песните беа разгледани и отценети од тричлена жири комисија: Ленче Стоименова-роднокрајна писателка, поетеса, афористичар, Аника Илијевска Ѓорѓиева-роднокрајна авторка, поетеса, магистер по книжевност и Верица Паунова Дамеска-библиотекар.
Беа наградени учесниците во следните категории:
-Прва награда ,,Димитар Гогов”- Матеј Митев 6 одд. од ОУ ,,Крсте Петков Мисирков”-Оризари, за песната ,,Балада за мојот роден крај”;
-Две втори места за Андреј Донев 8-мо одд. ООУ ,,Никола Карев”- Кочани за песната ,,Мојот роден крај” и
Мелани Цонева 9-то одд. ООУ ,,Страшо Пинџур”-Соколарци, Чешиново-Облешево за песната ,,Тагува мојот роден крај”;
-Две трети места за Мелани Ангеловска 9-то одд. ООУ ,,Карпош”-Куманово за песната ,,Куманово” и
Симона Стојанова, 7-мо одд. ОУ ,,Синиша Стоилов”-Зрновци за песната ,,Мојот роден крај”;
-Специјална награда ,,Мајски цвет” за Јован Цветанов 6-то одд. ООУ ,,Никола Карев”-Кочани;
-Награда за најдобра интерпретација на Ива Богданова, 7-мо одд. ООУ ,,Славчо Стојменски”-Виница;
-Награда за литературен клуб на ЛК ,,Процвет”-Пробиштип;
-Награда за библиотека, на библиотеката при Дом за култура ,,Крсте Мисирков”-Св.Николе;
-Награда за училиште на ООУ ,,Славчо Стојменски”-Виница и
-Награда за ментор на Соња Митева.
Сите учесници добија благодарници за учество и почесена гостинка на фестивалот беше Милица Паулус, писателка и поетеса од која младите поети слушнаа многу корисни совети и мотивација за литературното творештво.
КОМЕНТАРИТЕ СО НАВРЕДЛИВА СОДРЖИНА И ВУЛГАРНОСТИ ЌЕ БИДАТ ИЗБРИШАНИ
