Во пресрет на првиот роденден ДПД (Доброволно Противпожарно Друштво) од Кочани доби неочекувано убав подарок. Со посредство на колегите од противпожарното друштво Тужно кај Вараждин (Република Хрватска) обезбедено е возило за интервенции.
Инаку ова е прво возило кое ќе биде под ингеренции на ДПД – Кочани.
Откако го комплетираа кадарот, ги средија просториите, добија материјални и технички потреби за гаснење пожари и интервенции во вонредни услови, еве сега со новото возило почнаа полека но сигурно да се комплетираат.
Во сабота волонтерите од ДПД – Кочани со 12. часовна културно-уметничка програма ќе ја одбележат првата годишнина од основањето.
Одбележувањето на првиот роденден ќе почне од 15 часот и ќе трае во текот на попладнето и вечерта.
С. Ивановски
